🌶️ తెలంగాణ స్టైల్ చేపల ఫ్రై | ఇంట్లోనే స్పైసీ చేపల వేపుడు

🐟 కావలసిన పదార్థాలు

• చేప ముక్కలు – 250 గ్రాములు (రోహు / కట్లా / కొరమీను ఏదైనా సరే)

• పసుపు – 1/4 టీ స్పూన్

• కారం పొడి – 1½ టీ స్పూన్లు

• ఉప్పు – తగినంత

• జీలకర్ర మెంతుల పొడి – 1/2 టీ స్పూన్

• ధనియాల పొడి – 1 టీ స్పూన్

• నిమ్మరసం – 1 టీ స్పూన్

• గరం మసాల  – 1/2 టేబుల్ స్పూన్

• కొత్తిమీర – కొద్దిగా

• అల్లం–వెల్లుల్లి పేస్ట్ – 1 టీ స్పూన్

• నూనె – ఫ్రై చేయడానికి సరిపడా

  🍽️ తయారీ విధానం

  1. చేప ముక్కలను శుభ్రంగా కడిగి నీరు పూర్తిగా వడకట్టాలి.

  2. ఒక బౌల్‌లో చేప ముక్కలు తీసుకుని వాటిపై పసుపు, కారం, ఉప్పు, ధనియాల పొడి, గరం మసాల, జీలకర్ర మెంతుల పొడి, అల్లం–వెల్లుల్లి పేస్ట్, నిమ్మరసం వేసి కలిపి ముక్కలకు పూతలా పట్టించాలి.

  3. ఈ మసాలలు పట్టించిన చేప ముక్కలను 10 నిముషాల పాటు పక్కన పెట్టాలి.

  4. ఆ తరువాత పాన్‌లో నూనె వేసి వేడి చేసి, చేప ముక్కలను వేసి మీడియం మంట మీద నెమ్మదిగా ఫ్రై చేయాలి.

  5. ఒక వైపు వేగిన తరువాత తిప్పి, రెండో వైపు కూడా వేగేదాక వేయించాలి.

  6. చివర్లో కొత్తిమీర వేసి మరోసారి ముక్కలను తిప్పి, కొత్తిమీర వేగాక స్టౌవ్ ఆఫ్ చేయాలి. అంతే నోరూరించే ఉండే చేపల ఫ్రై రెడీ.

  7. వేడి అన్నం లేదా రాగి సంగటి తో సర్వ్ చేస్తే అదిరిపోతుంది 🤍