ఆపిల్ కేక్ | పేరు వినగానే నోరూరుతుంది కదూ,అంతే కాదు ఇది చాలా రుచిగా ,ఫ్లఫ్ఫిగా ,మెత్తగా ఉంటుంది. దాల్చిన చెక్క మరియు ఆపిల్ కలిసి ఒక మంచి రుచి ఏర్పడుతుంది. కేక్ అనగానే అందరికీ బేకరీ కి వెళ్లాలనే ఆలోచనే వస్తుంది ఎందుకంటే అందరికి ఓవెన్ అందుబాటులో ఉండకపోవచ్చు. ఓవెన్ లేకుండా కూడా కేక్ ని ఇంట్లోనే చేసుకోవచ్చు. పప్పు కోసం వాడే ప్రెజర్ కుక్కర్ దాదాపు ప్రతి ఇంటిలో ఉంటుంది. ప్రెజర్ కుక్కర్లో సులభంగా,రుచికరమైన కేక్ ని చేసుకోవచ్చు. ఈసారి కేక్ ని ఇంట్లోనే చేసి, మీ ఇంట్లో వారిని ఆశ్చర్యపరచండి. కేక్ ని మనకి కావలసిన ఆకారంలో చేసుకోవచ్చు. టీ టైమ్ స్నాక్ గా తీసుకోవచ్చు. ప్రత్యేకమైన సమయాలలో అయితే కేక్ ని అందంగా అలంకరించుకోవచ్చు.