పిల్లల వంటకాలురైస్వెజ్
బీట్రూట్ రైస్
బీట్రూట్ రైస్ చాలా రుచికరంగా,ఎర్రనిరంగులో చూడగానే తినాలనిపించేలా ఉండే ఆరోగ్యకరమైన వంటకం.బీట్రూట్ తినని పిల్లలకి ఇలా చేసి లంచ్ బాక్స్ లో పెట్టొచ్చు.తక్కువ సమయంలో తేలికగా చేయగలిగే రుచికరమైన వంటకం.
.
కావలసిన పదార్థాలు:-
- బీట్రూట్ ముక్కలు : ఒక కప్పు
- అన్నం : ఒకటిన్నర కప్పు
- పల్లీలు : 2 టేబుల్ స్పూన్లు
- సెనగ పప్పు : టేబుల్ స్పూన్
- పచ్చిమిర్చి - రెండు
- జీలకర్ర : ఒక టీస్పూన్‌
- ఆవాలు : అర టీస్పూన్‌
- కరివేపాకు : రెబ్బ
- ఉప్పు : తగినంత.
తయారుచేయు విధానం:-
1
ఒక పాన్‌లో కొంచెం నూనె వేసి వేడిచేశాక జీలకర్ర,ఆవాలు,పల్లీలు,సెనగ పప్పు వేసి వేయించాలి.
తరువాత పచ్చిమిర్చిని,కరివేపాకు వేసి వేయించాలి.
2
ఆ తరువాత తరిగిన బీట్ రూట్ ముక్కల్ని వేసి కలిపి మూత పెట్టి చిన్న మంట పై మూడు నిముషాల పాటు ఉడకనివ్వాలి.
3
పై మిశ్రమంలో అన్నం, ఉప్పు వేసి కలపాలి. కాసేపయ్యాక స్టవ్‌ ఆపేసి, వేడివేడిగా తింటే రుచిగా ఉంటుంది.
