కేక్,ఈ పేరు విననివారు కానీ చూడనివారు కానీ ఉండరేమో. ప్రత్యేకమైన రోజులను  ఇంకా ప్రత్యేకంగా మార్చుకోవాలంటే కేక్ ఉండాల్సిందే. అది పుట్టినరోజు దగ్గర నుండి ఏదైనా సాధించినరోజు వరకు.
పిల్లల దగ్గరనుండి పెద్దలవరకు అందరూ ఇష్టపడే కేక్ ని చాలా రకాలుగా చేసుకోవచ్చు. ఓవెన్ ఉన్నవారైనా, లేనివారైన ఎవరైనా తమ అభిరుచికి తగ్గట్టుగా తయారుచేసుకోవచ్చు.
చాక్లెట్ తో కానీ, ఆరోగ్యదృష్టితో తో చూసినపుడు మనకు అందుబాటులో ఉన్న పండ్లతో ( అరటిపండు దగ్గర నుండి కర్బూజ వరకు ఏ పండుతో అయినా) చేసుకోవచ్చు.
చిన్నతనంలో కొన్ని ఇళ్ళలో దిబ్బరొట్టెనే కేక్ గా కట్ చేయించేవారు. ఆ తరువాత కేక్ అంటే షాప్ లోనే దొరుకుతుంది అనుకునేవాళ్లం. ఆ తరువాత ఓవెన్ ఉంటే తప్ప కేక్ చేయలేము అనుకునేవారు. మైదాతో మాత్రమే చేయవచ్చు అనే అపోహ ఉండేది.
కానీ ఇప్పుడు మనం ఏ పిండి తో అయినా అంటే గోధుమపిండి, రాగిపిండి, చివరకు బొంబాయి రవ్వతో కూడా ఇంట్లోనే సులభంగా, ఇబ్బంది లేకుండా పావుగంట సమయం కేటాయించగలిగితే రుచికరమైన కేక్ ని చేసి అందరి మెప్పు పొందవచ్చు.
ప్రత్యేకరోజుల్లో అయితే చిన్న చిన్న టిప్స్ తో తేలికగా అందంగా అలంకరించి, మీ  ఇంట్లోవారిని ఆశ్చర్యపరచవచ్చు.
ఈ రోజు ఇంకొంచెం వెరైటీగా ఐస్ క్రీమ్ తో కేక్ ఎలా చేసుకోవచ్చో చూద్దాం.