చికెన్ 65
చికెన్ 65 అనగానే మాంసాహార ప్రియులకి నోరురిపోతుంటుంది. ధాబాల్లో మరియు రెస్టారెంట్లలో తయారుచేసే ప్రసిద్ధ వంటకాల్లో ఇది ఒకటి.చికెన్ 65 అనేది ఎరుపు రంగులో ఆకర్షణీయంగా ఉండే వేయించిన మసాలావంటకం.
కావలసిన పదార్థాలు:-
- చికెన్(బోన్ లెస్ ) : పావుకేజీ
- మైదా : 2 టీస్పూన్లు
- కార్న్‌ఫ్లోర్ : 2 టీస్పూన్లు
- జీలకర్ర : 1/2 టీ చెంచా
- కరివేపాకు : 1 రెబ్బ
- అల్లం వెల్లుల్లి పేస్ట్ : 1 టీ స్పూన్
- అల్లం (తరిగిన) : 1/2 టీ చెంచా
- వెల్లుల్లి (తరిగిన) : 1 టేబుల్ స్పూన్
- గుడ్డు : 1
- ఎరుపు రంగు (ఐచ్ఛికం) : 2-3 చుక్కలు
- పచ్చిమిర్చి (తరిగిన) : మూడు
- కొత్తిమీర (తరిగిన) : 1 టేబుల్ స్పూన్
- మిరియాలు పొడి : 1/2 టీ స్పూన్
- కారం : 1/4 టీ స్పూన్
- జీలకర్ర పొడి – 1/4 టీ స్పూన్
- ఉప్పు : తగినంత
- నూనె – వేయించడానికి.
తయారుచేయు విధానం:-
1
ఒక గిన్నెలో చికెన్ ముక్కలు తీసుకోండి. అందులో ఉప్పు,అర టీ స్పూన్ అల్లం వెల్లుల్లి పేస్ట్,1/4 టీ స్పూన్ మిరియాల పొడి,మైదా,కార్న్‌ఫ్లోర్ వేసి కలపాలి.తరువాత గుడ్డు వేసి బాగా కలపి పక్కన పెట్టుకోవాలి.
2
ఇప్పుడు ఒక కడాయిలో నూనెపోసి వేడి చేసి, చికెన్ ముక్కలనుఒక్కొక్కటిగా విడి విడి గా వేసి వేయించుకోవాలి.రెండు వైపులా ముదురు గోధుమ రంగు వచ్చేవరకు వేయించుకుని పక్కన పెట్టుకోవాలి.
3
తరువాత ఒక బాణలిలో 2-3 టీస్పూన్ నూనె వేడి చేసి, జీలకర్ర, చిన్న ముక్కలుగా తరిగి అల్లం, వెల్లుల్లి వేసి పచ్చి వాసన పోయేవరకు వచ్చేవరకు వేయించాలి.
4
తరువాత తరిగిన మిరపకాయలు, కరివేపాకు, అర టీస్పూన్ అల్లం వెల్లుల్లి పేస్ట్,1/4 టీ స్పూన్ మిరియాల పొడి, కారం, ఉప్పు,ఎరుపు రంగు, జీలకర్ర పొడి వేసి కలపి,కొన్ని నిమిషాలు ఉడికించాలి.
5
కొద్దిగా నీరు వేసి, ఆపై చికెన్ వేసి బాగా కలపి కొత్తిమీర వేసి వడ్డించుకోవాలి.
