ఉదయన్నే ప్రతి ఇంట్లో మొదలయ్యే హడావుడి అల్పాహారం అదేనండీ బ్రేక్ ఫాస్ట్ కోసమే, ఆకలిగా లేకపోయినా, తినాలని లేకపోయినా సరే పల్లి చట్నీ చూడగానే, అందులోనూ దోశ, ఇడ్లీ, వడలకి పల్లి చట్నీ ఉంది అంటే చాలు ఆకలి అదే వచ్చేస్తుంది పిల్లలకి, పెద్దలకి.మరి అంత రుచికరమైన పల్లిల చట్నీ, ఆదివారం అంటే అంతా ఇంట్లోనే ఉంటారు కాబట్టి తాపీగా చేసుకోవచ్చు.
కానీ అది రోజు అంటే ఇబ్బందే ఒక రకంగా, అందులోనూ జాబ్ చేసే ఆడవాళ్ళు ఉన్న ఇంట్లో అయితే చాలా ఇబ్బందికారంగా ఉంటుంది. ఇటు టిఫిన్లు చేయడం, అటు లంచ్ బాక్స్ కోసం వంటలు, ఈ క్రమంలో ఇంట్లో అల్పాహారం చేయడం అనేది తగ్గుతూ వస్తుంది.
కొంతమందికి టిఫిన్, చట్నీ రెండు చేయడం ఇబ్బందిగా ఉంటుంది. అదే అప్పటికప్పుడు (ఇన్స్టంట్ )తేలికగా, గ్రైండ్ చేయాల్సిన పనిలేకుండా చట్నీ అయితే ఇంట్లో ఎవరైనా చేయవచ్చు. ఆ ఆలోచనతో వచ్చిందే ఇన్స్టంట్ పల్లి చట్నీ పొడి. ఒక్కసారి చేసిపెట్టుకుంటే, నెలరోజులవరకు ఉంటుంది.
అందులోనూ మామూలుగా చేసే చట్నీ రుచితో మరియు తాజాగా చేసిన అనుభూతిని ఇస్తుంది. మరి ఎందుకింకా ఆలస్యం మీరు ప్రయత్నించండి..