సర్వపిండి | తెలంగాణ సాంప్రదాయక వంటకం సర్వపిండి. దీనిని సర్వప్ప, గిన్నెప్ప, గిన్నెపిండి, తపాలా చెక్క, గంజుపిండి.. ఇలా వివిధ పేర్లతో మరియు వివిధ రకాలుగా చేసుకునే చిరుతిండి వంటకం.
చాలా రుచికరంగా ఉండే ఈ తెలంగాణ ప్రత్యేక వంటకం చేయడం చాలా తేలిక, మరియు తక్కువ సమయంలో చేయగలిగే వంటకం అని చెప్పవచ్చు. సామాన్యుడి పిజ్జాగా పిలిచే ఈ వంటకంను ఉదయం, సాయంత్రం టిఫిన్ గా కూడా తింటారు.
సర్వపిండికి వరంగల్ జిల్లాలోని బొల్లేపల్లి గ్రామం ప్రసిద్ధి చెందింది. ఈ గ్రామంలో మొదటిసారిగా తయారుచేసినట్టుగా చెబుతారు. దీనిని బియ్యపుపిండి, కరివేపాకు, పల్లీలు, నువ్వులు ప్రధానంగా వాడుతారు. మిగతా దీనుసులను ఎవరి అభిరుచి తగినట్టుగా వారు వాడుతారు.
ఇది చూడడానికి రొట్టె మాదిరిగా ఉండే ఈ పిండిని గిన్నెకి పలుచగా ఒత్తి, మద్యలో అక్కడక్కడా రంధ్రాలు పెట్టి కాలుస్తారు. దీనిని తిరగేయాల్సిన అవసరం లేదు.
అడుగు మందంగా ఉన్న గిన్నెలో చేసుకుంటే సరిగ్గా ఉడికి చాలా రుచిగా వస్తుంది. ఉల్లి ఆకు వేస్తే మరింత రుచిగా ఉంటుంది. మరి ఇంత రుచిగల సర్వపిండిని ఎలా చేయాలో చూద్దాం..