సేమియా వడ | క్రంచీ టీ టైమ్ స్నాక్. సేమియాకు బదులుగా నూడిల్స్‌ను కూడా వాడుకోవచ్చు. ఇది తేలికగా చేసుకునే రుచికరమైన వంటకం.ఈ చిరుతిండిని వేడిగా వడ్డించాలి.
కావలసిన పదార్థాలు:-
- ఉడికించిన సేమియా : కప్పు
- మైదా : అరకప్పు
- శనగ పిండి : పావుకప్పు
- బియ్యపు పిండి : పావుకప్పు
- ఉల్లిపాయల తరుగు :అర కప్పు
- పచ్చిమిర్చి : నాలుగు
- కొత్తిమీర : రెండు టేబుల్ స్పూన్లు
- కరివేపాకు : ఒక రెబ్బ
- అల్లం : చిన్న ముక్క
- జీలకర్ర : అరస్పూన్
- కారం : పావు స్పూన్
- ఉప్పు : తగినంత
- నూనె : వేయించడానికి సరిపడా
తయారుచేయు విధానం:-
1
ఒక వెడల్పాటి గిన్నెలో ఉడికించిన సేమియా,సన్నగా తరిగిన అల్లం,పచ్చిమిర్చి,ఉల్లిపాయముక్కలు,కొత్తిమీర,కరివేపాకు,జీలకర్ర,కారం,ఉప్పు,మైదా,శనగ పిండి,బియ్యపు పిండి వేసి బాగా కలుపుకోవాలి.
2
కడాయి లో వేయించడానికి నూనె తీసుకుని వేడి అయిన తరువాత వడల్లా తట్టుకుని నూనెలో వేసి వేయించుకోవాలి.
వీటిని వేడివేడిగా పుదీనా చట్నీతో కలిపి తింటే చాలా రుచిగా ఉంటాయి.
